monumenta.ch > Hieronymus > sectio 13 > bnf5840.67 > csg46.306 > sectio 77 > sectio 33 > sectio 32 > bnf5840.171 > sectio 174 > sectio 55 > sectio 48 > sectio 3 > Isidorus, Etymologiae, Liber 17, 10 > sectio 10 > hlw17.272 > Theodulfus Aurelianensis, Carmina, p5, II. DE SEPTEM VITIIS CAPITALIBUS. ( Desunt plurima. ) > sectio 16 > sectio 15 > sectio 22 > sectio 12 > sectio 133 > bnf10439.176 r > sectio 134 > sectio 23 > sectio 3 > bnf11947.93 v > sectio 139 > sectio 2 > sectio 8 > sectio 82 > sectio 3 > sectio 8 > 7 > bnfGrec107.805 > csg68.362 > sectio 1 > sectio 10 > sectio 5 > sectio 10 > sectio 20 > ad Romanos, 11 > ubbFIII15.202v > sectio 177 > sectio 30 > sectio 35 > sectio 81 > 9 > sectio 26 > bavPal.lat.281.539 > sectio 6 > sectio 6 > sectio 150 > sectio 114 > bnf11947.78 r > sectio 4 > csg7.94 > sectio 45 > sectio 30 > sectio 3 > sectio 12 > sectio 30 > bnfGrec107.803 > sectio 148 > sectio 13 > sectio 77 > sectio 23 > sectio 83 > sectio 7 > sectio 18 > ad Corinthios II, 7 > bnf6795.122 > sectio 5 > bnf7583.202 > sectio 2 > csg75.508 > csg271.212 > sectio 3 > uwbM.p.th.f.12.31 > sectio 58

Word Selection for Searching

Report an Error in this Sectio
Hildegardis Abbatissa, Explanatio Symboli, 1, 58
Et ipse Deus et homo existens, non in duos divisus est, sed unus est Christus, non tamen per commutationem divinitatis in carnem, sed per assumptionem carnis quam divinitas sibi adiunxit, et quam claritate sua sic perfundit, ut radius solis in sole lucet: nec ob hoc ulla confusione substantia divinitatis, seu substantia carnis in invicem confusae sunt; sed in vera unitate personae, unus est Christus, verus Dei Filius. Sic enim in rationali anima nulla commutatio per carnem hominis est, quin ipsa rationalis spiratio sit a Deo, quae totum corpus hominis perfundit, et quae cuncta opera operantis hominis movet; et ut sic anima et caro unus est homo, ita etiam absque omni dubio Dei Filius ante saecula natus carne ex Virgine assumpta pleniter, ut praedictum est, indutus, Deus et homo existens, unus est Christus, per unctionem utique gratiae Dei Christus dictus. Qui in sancta humanitate sua, per fixuram clavorum et lanceae vulneratus est propter unum vulnus primi hominis, quod cuncto generi suo ille inflixerat, quatenus livore sanguinis sui illud sanaret, et unctione olei gratiae illud perfunderet, ac per poenitentiam illud ligaret, cum homo se peccasse doleret.